Overthinking sirf dimaag ka dushman nahi, kabhi-kabhi dil ki healing ka signal bhi hota hai. Is article mein jaaniye overthinking ka real matlab, uske peeche chhupi needs, aur practical ways jisse aap khud ko better samajh paayein
Dard se dosti kar lo, kyunki yeh dard hi toh tumhe tumse milayega…
Kabhi aisa hua hai na, raat ke 2 baje tak tum bas ek hi thought ko baar-baar soch rahe ho? Kisi ki ek baat, ek chhoti si line ya ek chhota sa gesture tumhara pura mood kharab kar deta hai… aur fir tum usi thought mein doob jaate ho.
Main bhi wahi karta tha. Jab meri girlfriend ne mujhe chhod diya tha bina kuch kahe, toh main har pal sochta rehta – “Maine kya galti ki? Kya main itna bura tha? Kya uske liye sab kuch jhootha tha?” Har raat meri neend usi sawal ke neeche daba diya karti thi.
Yeh hi hota hai overthinking.
Real Meaning of Overthinking ?
Overthinking ka matlab hota hai – kisi cheez ke baare mein baar-baar sochna, itna sochna ki woh thought tumhari mental peace cheen le.
Lekin kya tumne kabhi socha hai, ki shayad yeh overthinking ek signal ho? Tumhara dard, tumhara anxiety, tumhe kuch kehna chahta hai:
“Sunna seekho… kyunki tumhara dard tumse kuch keh raha hai.”
Kya Overthinking Hamesha Galat Hai?
Overthinking zaroori nahi hamesha dushman ho. Kabhi-kabhi yeh ek signal hota hai ki:
- Tum kisi emotional wound ko ignore kar rahe ho
- Tumne kabhi apne emotions ko poora process nahi kiya
- Tum sirf samajh ke kehne par strong dikh rahe ho
Tumhara dost tumse distance banane lagta hai. Tum sochte ho, “Main boring ho gaya kya? Kya usse koi aur dost mil gaya?” Lekin asal mein, shayad tum apne abandonment issues se deal nahi kar paaye.
Overthinking in Relationships – Sabse Zyada Toxicity
Sabse zyada overthinking hum un logo ke liye karte hain jinke liye hum sab kuch kar jaate hain. Aur jab unka response cold ho, ya ignore kar dein, toh dil ke andar aag lag jaati hai.
“Ek hi bande ka cold behaviour tumhara pura din kharab kar deta hai na?” Yeh overthinking nahi, tumhara emotional investment ka side effect hai.
Overthinking Se Kaise Nikalte Hain?
1. Thought Dumping:
Raat ko ya din mein jab bhi overthinking ho, ek notebook uthao aur sab likh do. Kisi therapist ki tarah khud se baat karo.
2. Name the Emotion:
Apne thought ko label karo: “Mujhe guilt ho raha hai…” “Mujhe lag raha hai main akela ho gaya…” Label karne se brain ko clarity milti hai.
3. Control vs. Surrender:
Sawal karo – “Kya main is cheez ko control kar sakta hoon? Agar nahi, toh main isse accept karta hoon.”
4. Body ko Engage Karo:
Zyada sochne ke bajaye thoda walk karo, workout karo, ya dance. Physical movement se thoughts ka loop break hota hai.
5. Meditation aur Deep Breathing:
Har din sirf 5 minute, bina phone ke. Sirf saans par dhyan do. Yeh tumhare thought speed ko slow karta hai.
Overthinking Ke Peeche Chhupa Healing Ka Raasta
Jab hum baar-baar ek hi thought sochte hain, toh woh humari subconscious need dikhata hai. Jaise:
- “Mujhe pyar chahiye…”
- “Mujhe samajhne wala koi chahiye…”
- “Mujhe khud se dosti karni hai…”
Toh jab agla overthinking ka attack aaye, usse dushman samajhne ke bajaye poochho:
“Tu kya kehna chahta hai?”
Shayad tumhe khud se baat karne ka mauka mile.
Overthinking: Dimaag ka Dushman Ya Signal for Healing?
Jab meri gf chali gayi. Tab har raat overthinking mera dost ban gaya tha.
Lekin ek din maine us thought se poocha: “Tum baar-baar kyun aate ho?” Aur uska jawab tha: “Main chahata hoon tum apne andar jhaanko… jahan sabse zyada dard hai, wahan sabse zyada sach hai.”
Wahi se mera healing ka safar shuru hua. Ab main likhta hoon, bolta hoon, aur apne jaise logo ko yeh batata hoon:
Overthinking tumhara dushman nahi, ek messenger hai. Use ignore mat karo, use samjho.
Final Thought – Sahi Sawal Poochho
“Main kyu itna sochta hoon?” se zyada powerful question hai:
“Mujhe kya zarurat hai jo poori nahi ho rahi?”
Overthinking se ladna band karo. Use sunna shuru karo. Ho sakta hai wahi tumhari emotional healing ka pehla step ho.
click here for computer networking part 1
2 thoughts on “Overthinking: Dimaag ka Dushman Ya Signal for Healing?”